BARMAPkeyboard_arrow_right夜場資訊keyboard_arrow_right最新吧評keyboard_arrow_right黑夜彩虹點綴晚上
 

最新吧評|黑夜彩虹點綴晚上|Gemini House 

十一月
28
星期一
夜場資訊:最新吧評   33

太子酒吧街,想找一個安靜但不冷清的地方跟朋友好好聊一下,確實係個難題,估唔到旺角警署對面嘅Gemini House,行過望落幾有feel而且又唔太冷清,同朋友就決定入去hea下。

以旺角來講,這裡環境都算開揚,放工後同朋友來呢到輕鬆吹水都幾舒服,再講啲小食野食,估唔到鋪仔細細質素都相當唔錯架。而且每個卡座都有上網服務同叉電位,忙左成日後,人和電話都要叉叉電啦。

調酒師阿甘

除左基本啤酒紅白酒,呢到好有特色cocktail。在Gemini House擔任左五年調酒師嘅阿甘,自家調製左唔少睇得又飲得嘅招牌Cocktail ,例如色彩繽紛嘅彩虹cocktail同清爽涼快嘅果味沙冰。

士多啤梨乳酪沙冰

甜美嘅賣相加上清新嘅士多啤梨味道,酒精味比較淺,非常適合女仔飲。用Natural Yoghurt Liqueur,有酒精同乳酪成份,味道清香,沙冰混合鮮奶忌廉,口感非常特別,絕對值得一試。

Rainbow

七色層次分明嘅Rainbow非常搶鏡!主要由伏特加同七喜製成,再加入紅糖水、菠蘿汁、薄荷、藍橙酒、紫羅蘭汁,由於唔同甜度會產生唔同浮度,所以頂層紫色酒精最多,底層紅色味道就最甜。

德國原隻鹹豬手

同個frd 就叫左個豬手share,相當唔錯,一般餐店以燒或者炸製作豬手,但呢到用古法上湯浸製,無咁熱氣同油膩,仲可以令皮肉彈牙啲,一定要試。

酒吧資料
地址
旺角運動場道9-13號地下1號舖
電話
23955550
營業時間
星期一至日:下午3時-凌晨4時