BARMAPkeyboard_arrow_right夜場資訊keyboard_arrow_right最新吧評keyboard_arrow_right大熱新潮Bar 專玩Craft Beer
 

最新吧評|大熱新潮Bar 專玩Craft Beer|Franape Bar & Restaurant 

七月
29
星期五
夜場資訊:最新吧評   64

昨日,我行經太子酒吧,大熱天時想搵間酒吧解下暑,作為一個Beer Geek 好自然就比呢一個啤酒架吸引到。原來太子新開左一間Craft Beer 酒吧---Franape Bar & Restaurant

入去果陣就大約下午五點鐘,佢地都係剛剛開鋪,所以人比較小。鋪仔細細,靜靜地,好適合三五知己或者情侶飲下啤酒吹水。係吧頭已經見到一大排啤酒,當然想快D揭下本menu有咩飲啦!

揭下本Menu 選擇都幾多,有來自比利時,日本,英國,德國同香港本土Craft Beer 。當中都有香港比較出名嘅門神啤酒廠,同日本Coedo 啤酒廠,佢地同樣都係拎過啤酒大獎。價錢方面都算合理同一區比較,款式由Lager , IPA , Lambic , Cider , Stout

都cover到,可見店主細心。

我同朋友就各自就叫左支啤酒黎試下,分別係來自比利時嘅Schuppenboer Tripel 同香港門神啤酒廠玉皇大帝IPA。Tripel啤酒代表用左三倍麥芽去釀造,通常麥芽味,果味都會好出。而呢一隻就有好香嘅果味,好似橙呀,honey呀,但又唔會太過甜 ,入口清爽,夏天飲都幾舒服。玉皇大帝IPA 就曾經拎過亞洲啤酒杯IPA組別大獎,香港暫時都係得佢地拎過。飲落就幾hoppy,帶有焦糖,熱情果,花香,西柚,收尾有一定苦度,一支做得相當工整嘅IPA。另一方面,佢地serve杯都好專業,每支啤酒都會用番專用杯,一啲都唔馬虎。

Franape Bar & Restaurant

地址:太子通菜街210號地下

電話:2324 8884

營業時間:星期一至日:下午5時至凌晨3時