BARMAPkeyboard_arrow_right夜場資訊keyboard_arrow_right最新吧評keyboard_arrow_right米芝蓮主廚 太子西班牙風酒吧餐廳
 

最新吧評|米芝蓮主廚 太子西班牙風酒吧餐廳|LAVA Bar & Resturant 

八月
18
星期四
夜場資訊:最新吧評   55

西式酒吧餐廳喺香港越開越精緻,對食物同酒嘅要求都非常有心思。呢類型酒吧餐廳,中環,尖沙嘴比比皆是,但原來太子酒吧街都開咗幾間新派酒吧餐廳,小編就專誠黎試下呢間口碑非常唔錯嘅LAVA Bar & Restaurant,主廚Alan Tam曾任職多間米芝蓮餐廳如Amber和Spoon,2014年在Iron Chef比賽中更奪冠,相當猛料。

裝修比較歐陸風味,舖面雖然唔太大,但係好舒服好有味道,太子區算係比較少見。西班牙人一般都鍾意夜晚活動,十點左右先開始食晚飯,Lava都一樣只係做晚市,坐喺度飲下酒食下Tapas,生活就是這樣。

左:Estrella Damm Inedit; 右:Summer Wine Oregon West Coast Pale Ale

除咗對食物好有要求之外,Lava對酒都好有研究㗎,除咗提供Wine,店主對Craft Beer 亦好有心思,雖然數量唔算多,不過都係經過Lava 精心挑選,配搭番餐廳菜式。小編就叫咗兩款Craft Beer,都係比較輕身淡口,左邊係西班牙啤酒廠Estrella同西班牙名廚Ferran Adrià 合作攪出來嘅Witbier。Ferran Adria講過想釀出一隻可以襯托到食物嘅啤酒,而呢一款酒就比較淡身,充滿住花香,果香,橙皮,襯沙津幾好。而右邊係來自英國但係模仿緊美國西岸嘅Pale Ale,主要強調hop味,果味會比較突出,西柚味,花香,算係Pale ale 入面比較平易近人。

重點推介呢個慢煮牛腩手工包,店主話係呢到嘅招牌菜呀。先講D牛腩,煮到非常入味,而且好Juicy,咬落去成啖肉汁,再加上洋蔥同塊腐皮,真係Perfect match。其實唔止呢個包,Lava 仲有炸魷魚,西班牙海鮮飯(Paella)都係一樣好味,無論你鍾意飲酒定食嘢,一樣大滿足!

重點推介:慢煮牛腩手工包、Estrella Damm Inedit

人均消費:HK$100~200,視乎菜式而定。

氣氛:4(5分滿分)

環境舒適度:4(5分滿分)

整體滿足度:4(5分滿分)