BARMAPkeyboard_arrow_right夜場資訊keyboard_arrow_right最新吧評keyboard_arrow_right慢味風流餘韻
 

最新吧評|慢味風流餘韻|Park V 

十一月
14
星期一
夜場資訊:最新吧評   20

鍾意諾士佛台,因為氣氛比較輕鬆,無中環咁「獵食格」,但如果你仍然覺得諾士佛台喧鬧,我推介你去附近天文台道的Park V。

兩者分別係,諾士佛台係人來人往,你望人人都望你,Park V就自成一角,你可以好似個落難公主咁,由城堡一扇窗,隔岸觀火,細看This City is dying。

有人話,酒吧其實不過係士多,即係提供雪櫃、存酒,幾張枱椅,我覺得講呢句說話的人,應該有10年無落Bar,但有唔完全錯哂,A酒吧、B酒吧、同埋C、D、E有咩唔同,最大分別可能就係氣氛。呢度特別處,就係比人時間停頓的感覺,飲杯酒都特別好Feel。

又有人話,鏡子可以引導光線之外,仲有放大能量,有助思考的作用。

喜歡這裡一些Detail位,譬如樓梯口有一個小酒櫃,好Sharp醒。

拉埋趟門,可以分隔出一個Private Room,搞生日派對正喎。

威士忌選擇多,但我比較喜愛Signature Cocktail。

Rose Rickey($98),用自家製玫瑰泡浸的Gin做Base,未飲已有一股醉人的玫瑰香,入口清洌甜潤,賣相亦浪漫,玫瑰控必飲。

Fuji Sour($118),招牌雞尾酒,因為有日本巨蜂提子利口酒、柚子汁,酸酸甜甜好有果香。

The Black Glove($108),比較Strong的雞尾酒,以Classic Cocktail Manhattan為基礎,亮點係加以櫻桃木煙燻,同加左兩款開胃酒中和,整體感覺型格。

呢度食物都相當有水準,有Fusion Idea,有心思。

波士頓龍蝦蟹肉漢堡($128),好多酒吧有提供Burger,但多數係牛肉,呢度用龍蝦、蟹肉,有新鮮感之餘,感覺冇咁油膩,而且龍蝦同蟹肉會先炒香,居然有陣避風塘風味,相當過癮。

啖啖肉,大滿足。

威靈頓牛柳都要試,呢款被譽為最優雅、最精緻的經典英國菜十分考功夫,酥皮、巴馬火腿和牛柳,3種食材3種口感,每種食材的味道都要做到獨當一面同時又互相輝映。酥皮只要有一滴汁,肉只要不是三成熟都係失敗。

呢度的威靈頓牛柳係經過進化,但我覺得跟適合香港人口味,講真,正宗的太重量級,兩個人絕對食唔哂,食完一味菜都飽飽,依家的Size剛剛好,仲有餘力試埋其他野食。轉用煙肉都讚,巴馬火腿係有鹹香,但感覺太heavy,煙肉攞到個Balance。

反而味道,保留到精髓,酥皮夠脆,牛柳嫩滑多汁。

逢星期五、六晚仲有Live Band表演,飲飲食食、聽下歌,好Relax。

酒吧資料
地址
尖沙咀天文臺圍2-4號地舖
電話
27232711
營業時間
星期一至六:下午3時半-凌晨3時
星期日:下午5時-凌晨3時