BARMAPkeyboard_arrow_right夜場資訊keyboard_arrow_right酒知識keyboard_arrow_right酒知識
 

酒知識|2017年不仿一試的酒區(下) 

一月
9
星期一
夜場資訊:酒知識   8

以色列

黎巴嫩酒王Chateau Musar相信好多人都聽過試過,其實黎巴嫩側邊嘅以色列都唔錯架。以色列國內有一個名為Kosher 嘅認證系統,要成為Kosher Wine需要合符其複雜和嚴格的條件,絕對有保證。現時以色列酒已經慢慢掘起,小編有試過幾款紅酒和甜酒,當中甜酒令人難忘,除了甜度夠之外,並有一定酸度平衡,而紅酒結構同樣層次分明,非常有潛力。暫時香港有一間代理主力賣以色列,非常有熱誠!

推薦網店:以色列國際紅酒名莊-香港行

網址:http://www.bethlehem-hk.com/

巴西

巴西奧運就剛剛係上年完滿結束,但係巴西葡萄酒就岩岩開始掘起,可能會問巴西咁熱,點解會種植到葡萄?其實主要集中係巴西比較南部近烏拉圭的地方,天氣相對溫和,能夠種植到葡萄。主要種植葡萄暫時以International Grape 為主,例如Cabernet Sauvignon,Chardonnay,另外適合炎熱天氣的Tannat都有種植,值得一試。香港暫時要找到巴西酒依然有一定難道,只有個別小酒鋪有賣,大家見到不仿一試,價錢不會貴。

中國

講完巴西,就要講另一個「發展中國家」-中國,我相信好多人一聽到中國葡萄酒都會驚驚,無他嘅國內太多假食物假酒,而且最出名嘅長城牌葡萄酒都係出名難飲。但事實上中國地大物博,絕對會有地方適合葡萄種植,當中寧夏集中最多酒莊,不斷嘗試在中國釀葡萄酒的可能性,而且當地政府同樣大力贊助整個行業,相信寧夏酒會發展得很快,近年十分積極參展各大酒展,當中比較出名有賀蘭山,迦南美地,銀色高地等。

日本

日本唔止係得威士忌嘅,葡萄酒一樣發展左約一百年,主要集中係山梨縣嘅甲州,日本原生白葡萄就係以甲州命名,比較淡麗清香,可以襯托到比較清淡嘅日本菜,小編同樣有試過數款甲州,味道不會太強烈,但十分清香舒服。最出名的酒莊莫過於登美,在上年Vine expo 試過他們的top wine 登美後一試難忘,是典型的Bordeaux style,結構分明,非常Complex,絕對不比Bordeaux 酒差。現時各大日資百貨公司都不難買到,aeon,Sogo,都可以見到最出名的登美,但價錢比在日本貴不小。個別網店同樣有售,有興趣可以看看。

推薦網店:Ghvino 網址:http://eshop.ghvino.com.hk