BARMAPkeyboard_arrow_right夜場資訊keyboard_arrow_right酒知識keyboard_arrow_right酒知識
 

酒知識|2017年不仿一試的酒區(上) 

一月
4
星期三
夜場資訊:酒知識   14

新一年想試多啲新酒?其實來來去去都唔一定要飲法國酒嘅,意大利,西班牙,都好值得各位發掘。今時今日種植科技發達,而且傳播媒介方便,令之前一直被人忽視嘅產酒國都開始有人認識,研究。小編就整理個幾個平時小接觸啲嘅產酒國,比大家係2017年試一試,質素絕對唔比法國差。

葡萄牙

葡萄牙除左Port酒仲有好多好好飲價錢又經濟嘅酒,葡萄牙本身釀酒歷史都有一定時間,早係18世紀開始英國已經開始引入Port酒。當然一般人講葡萄牙酒就會諗起Port酒,但係佢地其他葡萄酒都一樣出色,因為天氣較熱,而且陽光時間充足,可以出產到非常飽滿而且具陳年能力嘅葡萄酒。當中比較出色的酒區有Douro(比較多圖中的梯田,令葡萄可以有非常充足日照時間),Dao(地勢比較高,可以出產到十分Complex的酒),Bairrada,Vinho Verde(很流行出產Green Wine,比較清香簡單)。要搵葡萄牙酒暫時澳門都係最平最多,誠昌超市絕對係首選,而香港都有個別酒鋪會有葡萄牙酒賣架。

推薦酒鋪:澳門誠昌超市

安域酒窖 http://onirique-wine.com/shop/

匈牙利

有人會視匈牙利酒係東歐酒一部分,當然大類上可以算是,但以匈牙利的釀造歷史和葡萄酒文化和質素絕對是產酒大國。其實,匈牙利早於16世紀時已開始釀酒,一直都係釀酒大國,直到蘇聯時期的鐵幕統治,匈牙利整個國家都與西方斷絕溝通。加上共產主義下,葡萄酒釀造大倒退,直至蘇聯倒台,匈牙利酒先慢慢重見天日。匈牙利最出名當然係tokaji甜酒,但係佢地嘅Dry Furmint 同Cabernet Franc仲有牛血酒Eger都好高質素架,而且佢地種植嘅葡萄都好全面,Cabernet Sauvignon,Chardonnay,Pinot Noir都會有。原因係匈牙利處於歐洲比較中間嘅地方,不會太凍或太熱,絕對有利葡萄成長。現在香港已經多了酒商引入匈牙利酒,其中位於灣仔集成中心的醉紅酒鋪有多款匈牙利酒,大家不仿去尋寶。

推薦酒鋪:醉紅 地址:灣仔軒尼斯道302號集成中心UG樓1號店

東歐各國-摩爾多瓦,羅馬尼亞,保加利亞

東歐酒當然唔止呢幾個國家,只係為左舉例,情況同匈牙利相似,本身有一定程度的釀酒歷史和質素,係蘇聯時期沈寂左一段長時間,直到而家重新受到關注,小編有試過其中幾款,相當不錯,而且價錢合理。東歐各國本身地勢不錯,不會太凍太熱,可以釀出優質的葡萄酒,暫時香港能夠買到東歐酒的地方並不幾多,但有幾間網店主力賣東歐,值得一試。

推薦網店:Heritage wine 網址:http://heritagewines.com.hk

Ghvino 網址:http://eshop.ghvino.com.hk

希臘

雖然希臘前幾年破左產,但係酒都依然要飲嘅,希臘釀酒歷史同文化不用懷疑,主要集中Santorini這個美麗的小島上,還有Mount Athos同Rapsani。希臘位於地中海沿岸,天氣比較炎熱,日照時間長,可以釀出果味充沛,厚身的葡萄酒。當中的Assyrtiko 白葡萄酒會有很特別的青蘋果香花香,因為Santorini 本身是一個火山島,造出來的酒自然很高礦物質,非常清爽。暫時香港買到希臘酒嘅地方唔多,但係都有一間代理商Tsantali,各位有興趣可以send email 問佢地架。

推薦代理商:Tsantali 網址:http://www.tsantali.com.hk/